祖訓第一條: 投資磚頭要有5%租金回報 祖訓第二條: 磚頭比任何男人信得過

爺爺後生果時行船順面幫唔少生意人帶貨，因為識字兼識計數，幾年後已經夠錢買咗九龍兩條街，同鄉里一齊起咗幾十幢大厦，有一半歸爺爺。

爺爺由果時開始，就有句口頭禪: 磚頭每年係一定要有五厘回報！

爺爺走咗之後，情況就好似蘋果冇咗喬布斯、亦好似NBA冇咗米高佐敦一樣，其他人係完全唔知5%回報嘅精髓係乜。大嫲嫲及細嫲嫲變成當家，兩房人一致决定將手上三百幾個物業套現，經過短短一、兩個月時間，換來約六百多萬現金，當中引發極度激烈嘅爭鬥，最終大嫲嫲及細嫲嫲各分一半，剩下銀行定期，兩房仔女為咗呢筆錢爭得最利害，先父決定唔交出死亡證 (去到银行攞唔倒錢，可以一拍兩散)亦在出殯日趕走另一房人，大嫲嫲氣憤難平亦再無容身之所，就帶着一半錢與自己子女定居德國，自此失去聯絡。

大家以為自己喺七八十年代揸住幾百萬好勁，但一直唔知同睇小資產嘅威力仲有爺爺為我地建立嘅寶藏，大約十年左右，政府收地重建，當年一間地鋪已經賠3百萬，我地原本有廿七間，樓亦賠百幾萬，粗略估計共值億元以上，爭餐懵其實只係傭人自擾！

5%回報背後仲有一個隱藏智慧，就係有咁嘅厘數嘅磚頭，一定有排升，總有引爆點將佢價值引發出來，呢樣智慧完全响姑姐度體現出來…………..